لواليد

لواليدا يالوليدا، ياقدام السعد يا للمسعيدة....

شوفتك، تشرح الصدر، أوتخلي عروق للقلب ليك مسنيدة....

فرحتك متقدر بمال، تخلي الطّير فسمها تطربك تغريدة.....

دموعك غالية أو فريدة،تخلي السبع فغارو، بالنخصة مريعيدة....

وناستك لديدة، جماعة فخيمة وسط سربة شديدة....

هي للحب مديدة ماتصخى بهى لا بنت لامرى عتيدة.....

صبرك صابرة، فلأرض الغابرة، حدودها مهديدة...

ماتكولي أح من شدة كربة مديدة، ماتخرجي تنيهيدة.........

عقلك بهمو يوزن بلاد أو ولد عمو، أونت مولات للكلمة السديدة....

غضبتك تزلزل الرجال للعتيدة، تخليهم يطلبو رحمة بتوديدة....

علامها للحق راية، متجور على وردة نديدة، متأدي يديدة.......

كيصحابوك شديدة، أورحمة ربي فيك تجري، شاهدة ليك بأنك فريدة........

تحيدي اللقمة من فمك، تعطيها للولدك بتمديدة.....

للكرم هو شيمتك، وخى يضور عليك الزمان، أولا ضربك نايبة شديدة....

جورتك، آمنة،مأمنة، للود تزغريدة، كيف رضيع مع الأم للوليدة.....

للحصول، الله يغفر لينا منك كل أف أو تغديدة.....

أو يرحمك رحمة رفيعة، تليق بمقامك يا للوليدة....

كما ربتني ونا صغير، ونا ما بيدي لا نريي ريش ولا نتجتنب تهديدة.....