الدنيا

موضوع: الدنيا الجمعة مارس 06, 2009 1:42 pm

مالكي يالدنيا مقناطَـة. . .ماشي كيما كايغنِّيوْ
كنتْ حاسبك شكلاطة . . .كٌّاع ندوقو أُنبغيـوْ
سّاعَ يالدنـيا خـلّاطة . . .ماشي لي بغاوك يدّيوْ
كاين لي انت معاه كرّاطة. .بالمَ مشاو وِيجيوْ
عايشين حنا بالياطة . . .لفوقانِيِّن يرميوْ
راحنا ماشي مزلاطة. . .لخُّوت بالغفلة يدِّيوْ
حنا لي خاصنا الزرواطة. حيت فصواتنا يشريوْ
. . .
أُلغنا يمكن بالهم . . .كلها واش خاصّو
ولّ بطليع الدم . . .كلها كي يْدور راسو
مكاينش السر تم. . .أُكاين لي راطو نعاسو
كاين لي يرتاح بالسم. تاعب عليه بفاسو
لي فورنوه فالفم. . .يزيدلو الحر بكاسو
أُكلها واش كايشم. . .كل منخر بقياسو
شحال من أرض بالدم. عليها بلغدر داسو
شي ساهر فالغم. . . وشي كايكٌّاد فنعاسو
...
لغنا ولّ بلكدوب. . .أُلمعقول حاج وحدَخرَ
واخّ لكدوب دنوب. .شكون هامّو لاخرَ
خاصك ياودّي تّوب. .لي طرَ راه طرَ
ماشي ضايع فدروب. .أُلفُرصة كانت خطرَ
كلها بهمّو كايدوب. . .كلها غابناه القهرَ
غير لي مزيْرين لقلوب. ولي راخفينها فخطرَ
كٌّاع لي فيها مغلوب. . .جرَّ واشمن جرَّ...

» الدنيا.........................